Tupinambis

Réptil escamoso, da suborde dos saurios, duns 90 cm de lonxitude, co dorso cuberto por escamas xustapostas, as inferiores con placas pequenas dispostas en ringleiras transversais, abertura auricular diferenciada, ollos protexidos por pálpebras, lingua longa, bífida e retráctil e cor da pel azul terrosa manchada de amarelo. Habita nas matogueiras espesas e ao longo dos cursos dos ríos de América do Sur.