uña

1. s f [ZOOL]

   1. Formación epidérmica de natureza córnea que protexe a superficie dorsal do extremo libre dos dedos dos mamíferos, aves, réptiles e dalgúns anfibios. Ten unha función protectora e, nalgúns casos, de defensa ou ataque, polo que se volve curva, dura e acabada en punta.

      Sinónimos: unlla.

   2. pezuño.

2. s f

   1. Cousa que ten forma de uña.

      Sinónimos: unlla.
   2. [BOT]

      Espiña curva dalgunhas plantas.

      Sinónimos: unlla.
   3. [BOT]

      Parte inferior e xeralmente estreita dalgúns pétalos.

      Sinónimos: unlla.
   4. [ENTOM]

      Apéndice simple ou dobre da última articulación das patas dalgúns insectos.

      Sinónimos: unlla.
   5. [MAR]

      Cada unha das puntas triangulares ou piramidais dunha áncora, mediante as cales esta se crava no fondo.

      Sinónimos: unlla.
3. uña de cabalo [PLANTA]

   Planta herbácea, rizomatosa, coas follas pecioladas, orbiculares coas beiras lobuladas e dentadas, de cor verde no anverso e reverso branco e tomentoso, flores de cor amarela dispostas en capítulos e froitos en aquenio con vilano. Florece a finais do inverno, principios da primavera, en terreos arxilosos e pouco compactos. É común na metade setentrional da Península Ibérica. Emprégase como planta medicinal polas súas propiedades emolientes, tónicas e expectorantes.

   Sinónimos: unlla.
4. uña encarnada [PAT]

   uñeiro.

Refráns

• O que non ten unllas, mete cuñas.
• Unhas e outras botan a un de poutas.
• Unllas de gato e palabras de santo.