val

Depresión alongada na superficie terrestre percorrida, en xeral, polas augas dunha corrente fluvial. A parte superior correspóndese coa cabeceira dun río e a inferior coa desembocadura. Distínguense dous elementos: as vertentes e o fondo. Os vales contitúense como resultado da erosión; se a erosión actúa sobre o fondo, orixina gorxas e canóns, e se actúa sobre as vertentes, o val faise máis amplo. Un val pode presentar tres fases: xuventude, en que a erosión e o transporte son moi activos e o val ten, en xeral, forma de V; madurez, en que a erosión é máis activa nas vertentes e no fondo, e acumúlase unha gran cantidade de materiais arrastrados polas augas; e senectude, en que o val presenta unha modelaxe suave e a acción erosiva, a acumulación e o transporte acaban sendo practicamente inoperantes. Unha vez que acada esta fase de equilibrio todas as fases volven reiniciarse.

Tipo de socalco cuxo perfil superior está formado por dúas cimas entre as que se abre unha depresión.

Depresión no fondo dos océanos de grande extensión e relevo uniforme.

al polo que circula ou circulou un glaciar de dimensións importantes e que deixou un perfil transversal en forma de U. Caracterízase pola existencia de pegadas de abrasión e sobreescavación provocadas pola fricción do xeo e o arrastre do material, de canais de aludes, de fondos chairos con alternancia de cubetas e de morenas.