vasalaxe

Condición ou estado de vasalo.

Servidume ou estado de sometemento.

Elemento integrante do vínculo feudal constituído dunha relación de servizo, amizade e protección pactada entre dúas persoas de condición nobre. Unha delas (vasalo) encoméndase á outra (señor) mediante xuramento de fidelidade (homenaxe), co compromiso de servilo, principalmente na guerra, a cambio de recibir unha protección, un sostemento doméstico ou a concesión duns bens en usufruto. Esta relación desenvolveuse amplamente nos séculos medievais nos países do occidente europeo e, ao fusionarse co beneficio, como mercé recibida do señor, constituíu unha das bases do feudo.