vasalo -la

Home de condición nobre que, mediante xuramento de fidelidade cara a outro nobre ou o rei, contraía con eles unha relación de vasalaxe, con todos os dereitos que lle eran inherentes, baseada fundamentalmente na axuda guerreira. A retribución do vasalo consistiu ordinariamente no gozo dun dominio territorial, en beneficio ou en feudo (vassi dominici); pero existía tamén o vasalo soldado, retribuído cun estipendio pecuniario. O termo chegou tamén a expresar a mesma condición xeral respecto do soberano.

Que ou quen está sometido ao poder doutra persoa ou a recoñece como superior.