Vasco

Antropónimo de orixe incerta, quizais ibérica, ou relacionada co éuscaro bela ‘corvo’, cunha terminación ibérica. Tamén se interpretou como procedente do éuscaro Belasko, onde o radical bel- significa ‘o máis baixo da ladeira’; -as- é un infixo abundancial de vexetación, polo que belas- é ‘prado nas ladeiras baixas dun monte’; o sufixo -ko indica procedencia. Na Idade Media era un nome bastante frecuente. De aquí deriva o apelido galego Vázquez ou Vásques, que corresponde ao castelán Velázquez. Tamén aparece con b- non etimolóxico.