¹ venda

1. s f

   Acción e efecto de vender.

2. 1. s f

      Actividade de vender.

   2. venda ao contado

      Venda que se efectúa co pagamento inmediato do que se compra.

   3. venda a prazos

      Modalidade de crédito ao consumo, pola que o pagamento dunha compra se fai efectivo nunha parte ou na súa totalidade, por medio de sucesivos libramentos que son determinados no momento de efectuarse a operación.

   4. venda polo miúdo

      comercio polo miúdo.

   5. venda por xunto

      comercio por xunto.

   6. venda xudicial [DER]

      Venda que se realiza a consecuencia da disposición dun tribunal de xustiza.

3. s f

   Contrato polo que unha das partes, o vendedor, adquire a obriga de entregarlle á outra, o comprador, unha cousa a cambio dun prezo previamente acordado.

4. s f pl

   Cifra que reflicte o nivel de actividade dunha empresa.

5. s f [HIST]

   Reunión de carbonarios que constituía o elemento básico da súa estrutura organizativa como sociedade secreta.

6. venda de oficios [HIST]

   Concesión do exercicio dun cargo público a cambio dunha cantidade de diñeiro.

Frases feitas

• En venda. Para ser vendido.