Vida

Refráns

• A boa vida engurras tira.
• A boa vida non quere présa / présas.
• Á curta ou á larga todo acaba.
• A máis vivir, máis sufrir.
• a morto á mortalla e o vivo á fogaza.
• a morto no cemiterio, o vivo no candieiro.
• ande vivan cen, vive ti tamén.
• ande vivires fai como vires.
• Así duras, como te curas.
• Bebe pouquiño, come a fartar, durme no alto e así vivirás.
• Bo é vivir para ver o que ha vir.
• Cabalo de andadura pouco dura.
• Cada un vive como pode e como o deixan vivir.
• Cada un vive como pode e non como quere.
• Cal é a vida tal é a morte.
• Cal te curas, así duras.
• Coa vida fanse moitas cousas, coa morte desfanse todas.
• Come leite e bebe viño e, de vello, seráS mociño.
• Como se vive, mórrese.
• Detrás deste mundo virá outro.
• Hoxe na vida, mañá na morte: ¡benia o corpo que pola alma traballa!
• Hoxe somos e mañá non fomos.
• Hoxe somos e mañá non seremos.
• Hoxe somos e mañá non.
• Irnos vivindo: aquí entropezando e alí caíndo.
• Máis vale burro vivo que sabio morto.
• Máis vale can vivo que león morto.
• Máis vale cheirar vivo a merda que morto a incenso e cera.
• Máis vale cheirar, de vivo, a merda, que, de morto, a incenso e cera.
• Máis vale dicir aqu{ fuxeu que aqu{ mo eu.
• Máis vale un burro vivo que un cento mortos.
• Máis vale un mal correr que un bo morrer.
• Media vida é a candea, pan e viño é a outra media.
• Media vida é a candea; e o pan e o viño é outra media.
• Menor é que digan está alá que está acá.
• Mentres ternos vida, tamén ternos esperanzas.
• Mentres uns viven, outros morren.
• Morte duns é vida doutros.
• Non esquezas que a vida tela perdida.
• Non hai como morrer para coñece-Ia morte.
• Non hai mellor vida que non ter nada: pasan os días, estoume na cama.
• Non hai ningún tan vello, que non pense vivir un ano.
• Non hai vida que non estea perdida.
• Non hai vida sen morte nin pracer sen pesar.
• Non quero vida nin tratos con xente espantabuxatos.
• Non ten a vida segura o que as cousas moito apura.
• O mozo pode morrer, pero o vello xa non está para moito vivir.
• O pagar e o morrer, canto máis tarde poida ser.
• O que a longa vida chega, moito vive e máis espera.
• O que ben vive ben morre.
• O que mal vive pouco vive.
• O vello que se cura máis anos dura.
• Quen ben se cura, moito dura.
• Quen mal vive mal ha morrer.
• Quen moito vive, moito mal recibe.
• Quen moito vive, moito ve.
• Quen queira chegar a vello, garde o aceite no pelexo.
• Quen queira ser vello moito tempo, váiase con tento.
• Quen teme a morte non disfruta da vida.
• Se o mozo pode morrer, o vello non pode vivir.
• Se queres chegar a vello, garda aceite no pelexo.
• Se queres chegar a vello, sube as costas coma o vello.
• Se queres vivir moito tempo, faite de mozo vello.
• Segundo é a vida, así é a morte.
• Sopas fervidas alongan a vida.
• Tal vida, tal morte.
• Ter sete folgos coma os gatos é un regalo.
• Todo é vivir, ata morrer.
• Un día de vida non é moita vida pero é vida.
• Unha hora de vida non é moita vida.
• Vale máis onza de boa vida que fanega de sabiduría.
• Vale máis que digan: aquí correu que aquí morreu.
• Vida sen amigos, morte sen testigos.
• Vive cen anos e verás moitos desenganos.
• Vívese como se pode e non como se quere.
• Vivir ben, que Deus é Deus.
• Vivir como Deus manda e morrer como Deus queira.
• Vivir para ver e ver para vivir: ¿que máis se pode pedir?