¹ vila

Poboación que, sen ter o título de cidade, ten algúns privilexios ou un número de habitantes bastante elevado para distinguirse dos lugares. Do s IX ao s XII, o termo indicaba unha agrupación rural de casas e terras que se coñecían polo nome do seu señor ou propietario, antepoñendo ou non o xenérico de vila. Desde o s XIII ao s XVII indicaba xa unha agrupación urbana, en lugar privilexiado ou cunha organización administrativa, cunha categoría inferior á de cidade. A distinción entre vila e lugar débese máis ao costume que pola categoría da poboación. Nin a moderna lexislación nin a anterior establecen diferenzas entre elas, aínda que existían diferenzas entre vilas e cidades no referente aos seus dereitos e ás súas obrigas. Na actualidade a categoría de vila ou cidade vén dada polo número de habitantes.

ila nova de creación real nun territorio que gozaba de franquías concedidas por soberanos con anterioridade. Acostumaba a ter carta de poboamento ou de franquía con condicións favorables para atraer xente do campo á nova poboación. Creáronse entre finais do s XI e comezo do s XIII.

Núcleo urbano que na Idade Media se creaba ao redor das cidades ou vilas amuralladas.

Poboación que desde o s XIII ata o s XVI se creaba segundo unha carta de poboamento ou o privilexio outorgado pola coroa ou polo barón.