vipérido -da

Relativo ou pertencente aos vipéridos.

Serpe da familia dos vipéridos.

Familia de réptiles, da suborde dos ofidios, caracterizada pola forma triangular da cabeza, en ocasións provista na parte superior de prominencias semellantes a espiñas ou de cornos, e por ter o tronco macizo e deprimido, e o rabo prénsil, ben diferenciado do resto do corpo. Ten representantes velenosos (proteróglifos) que inxectan o veleno mediante un ou dous dentes anteriores conectados a unhas bolsas de veleno situadas na parte posterior da cabeza. A súa mordedela pode ser moi perigosa ou mesmo mortal. Son ovovivíparos ou vivíparos, e aliméntanse de pequenos vertebrados. Pertencen a esta familia, entre outros, os xéneros Cerastes, Crotalus e Vipera. A súa área de distribución comprende Eurasia, África e América.