virar

1. v t

   Facer que algo xire ou cambie de dirección ao imprimir un movemento en liña curva, especialmente un vehículo.

   Ex: Vira na rotonda.

2. v t

   Dar a volta a algo ou poñelo do revés.

   Ex: Vira o xersei que o tes ao revés.

3. v t [IMAX]

   Someter unha película fotográfica ao procedemento da viraxe.

4. v i

   Moverse algo ou alguén sobre si mesmo describindo un movemento de rotación.

   Ex: A hélice vira amodo

5. v i

   Cambiar de dirección ou de rumbo algo ou alguén.

   Ex: Alí vira á esquerda.

6. v i

   Cambiar alguén de opinión ou de actitude.

   Ex: Xa virou de parecer.

7. v pron

   Xirar algo ou alguén sobre si mesmo de xeito que adopte unha posición de cara a algo ou alguén.

   Ex: Virouse cara a el e despediuse.

8. v pron

   Sufrir algún tipo de cambio ou transformación.

   Ex: Virouse moi sensible.

Frases feitas

• Virar a chaqueta. Cambiar de idea ou de opinión por interese propio.

• Virar o aire/o vento. Cambiar o vento de dirección.