vivo -va

Que ten vida.

Que presenta moita actividade ou movemento.

Que entende as cousas rapidamente e actúa con prontitude e eficacia.

Que busca o seu propio beneficio e actúa en consecuencia.

Que permanece ou segue presente dalgunha maneira.

Que se sente con moita intensidade ou forza.

Que destaca e chama a atención, especialmente referido ás cores.

Que ou quen permanece con vida.

Que segue en activo, especialmente referido ao uso ou funcionamento.

Cinta ou bordo ao biés que se coloca como remate nunha costura, xeralmente a xeito de adorno.

Ser ben diferenciado, de forma e dimensións características, constituído basicamente de C, H, O e N, xuntamente con pequenas cantidades doutros elementos químicos, organizados en complexas moléculas orgánicas, constituídas en células. Teñen sensibilidade ante os cambios do ambiente (estímulos), que determinan respostas, e as propiedades de reproducir outros seres idénticos, de medrar e de desenvolver un ciclo vital definido: nacemento, crecemento, madurez e morte.