vizconde, vizcondesa

Dignatario ou funcionario do Imperio Carolinxio que estaba ao servizo dun conde, xeralmente na capital ou no pagus do condado. Coa patrimonialización das funcións, o cargo foi hereditario desde comezos do s X, e o seu primitivo carácter funcional transformouse en honorífico e feudal. Entón, os vizcondes comezaron a adoptar, non o nome de condado ou do pagus no que exercían os seus cargos, senón o dalgunha das súas posesións alodiais ou feudais, xeralmente a máis importante.