xelatina

Substancia sólida, branda e transparente, de natureza proteica, que se obtén ao cocer algunhas partes dos animais.

Doce que se obtén ao solidificar o líquido que resulta da cocción da pel e da carne de froitas.

Mestura de proteínas de alto peso molecular e solubles en auga. É un compoñente importante do coláxeno da pel e dos ósos dos mamíferos. Emprégase moito na industria alimentaria, na farmacéutica e na preparación de películas fotográficas.

Aglutinante esencial da maioría das emulsións que actúa como soporte e coloide protector do cloruro de prata disperso para impedir que se separe do sal de prata.

Dinamita de consistencia plástica cun contido dun 8% de nitrocelulosa.