zapato

Calzado de coiro, feltro ou doutros materiais que cobre o pé ata o nocello. A sola pode ser de coiro ou goma. O zapato baixo está constituído, especialmente os feitos a man, polas seguintes pezas: a sola, a biqueira, a empeña, a lingüeta e o calcañar; porén o zapato alto ten dúas pezas máis: o tirante e a cana. É unha das pezas fundamentais do traxe tradicional de gala tanto masculino como feminino, especialmente das vilas. O zapato feminino ten o tacón baixo e adoita levar unha fibela sobre a amalloeira.