Zeta, Grupo

Grupo empresarial de comunicación fundado en Barcelona por Antonio Asensio Pizarro en marzo de 1976 a partir do semanario Interviu (1976). Editor de 13 diarios, dous deles deportivos (Sport e Equipo), máis de 80 xornais gratuítos locais e temáticos, e 15 revistas (Interviu, Tiempo, Viajar, Woman ou CNR, entre outras), edita tamén máis de 30 publicacións corporativas. Encabezado por El Periódico de Catalunya (1978), o grupo complétase con Ediciones B (1986), con filiais en América Latina, e Vox Pública, empresa de sondaxe, ademais dunha liña de desenvolvemento de webs corporativos e rexionais, videoxogos e plantas de impresión.