ficha

Peza pequena, xeralmente delgada ou plana, á que se lle asigna un valor ou unha función convencional.

Peza pequena, xeralmente de plástico ou metal, que serve para facer funcionar certos aparatos.

Peza pequena que os distintos participantes empregan en certos xogos como o parchís, o dominó e as damas.

Papel ou cartolina, xeralmente de tamaño reducido e rectangular, onde se anotan datos sucintos sobre un tema, libro ou similar, e se ordenan e arquivan para a súa posterior dispoñibilidade de consulta.

Rectángulo de cartolina ou de papel resistente onde van consignados os datos esenciais que identifican un libro ou calquera outro documento. É a base de calquera traballo intelectual pero ten a súa máxima aplicación nos catálogos das bibliotecas. Coa automatización destas, as realizadas en formato papel tenden a substituírse por rexistros bibliográficos. Clasifícanse en principais, que van encabezadas polo nome do autor e conteñen a descrición da obra (autor, título, pé de imprenta e colección); e secundarias, encabezadas polo tradutor, o prologuista ou o título, ou tamén polo termo alfabético da materia da obra. Existen, ademais, os rexistros de referencia que envían dun encabezamento a outro dentro do mesmo catálogo. Segundo o seu contido pódense diferenciar as descritivas, que só conteñen a descrición bibliográfica, e as analíticas, que inclúen un breve resumo da obra.

Formulario no que se recollen os datos que unha axencia de publicidade precisa sobre o seu cliente. Esta mesma información adoita ser requirida polas canles televisivas á hora de realizaren calquera inserción publicitaria.

Formulario que acompaña os anuncios televisivos cada vez que se van inserir nunha determinada canle.