fitness*

Sistema de exercicios e prácticas deseñado co obxectivo de acondicionar o organismo humano para a actividade físico-deportiva. A posta en forma evidénciase especialmente no desenvolvemento harmónico da musculatura. Para logralo realízanse exercicios aeróbicos e anaeróbicos localizados nos grupos musculares que se desexan traballar, empregando ou non aparatos e máquinas especificamente deseñados para esa función.