flegma

(< lat phlegma < gr ϕλἐγμα ‘inflamación, mucosidade’)

s f [PAT]
Mucosidade anormal do nariz ou da boca procedente das vías respiratorias.
s f [MED]
Un dos catro humores que, segundo a medicina antiga, tiña lugar no corpo humano.
s f [QUÍM]
1. Últimas porcións que se obteñen na destilación do etanol en bruto. Denomínanse tamén aceite de fusel.
2. Substancia líquida que se obtén por destilación de substancias orgánicas.
s f
Calidade da persoa tranquila, con temperamento calmoso, e que non apura aínda que teña motivos para facelo.

Palabras veciñas