fluorocarburo

Cada un dos compostos de cadea carbonada, totalmente fluorados ou non, que conteñen outros átomos de halóxenos ou de hidróxeno. Distínguense entre moléculas fluoradas alifáticas, aromáticas, saturadas ou insaturadas. Os perfluorocarburos son moi resistentes ao ataque químico, incluso dos ácidos e das bases fortes a alta temperatura. Os fluorocarburos empréganse como fluídos frigoríxenos, propulsores de aerosois, solventes e fluídos extintores.