FM.X

Revista bimestral editada pola Consellería de Familia, Muller e Xuventude en Santiago de Compostela a partir de xuño de 1994. Dirixida por Manuela López Besteiro, a coordinación técnica, redacción e tradución estaba a cargo de Guadalupe Álvarez Álvarez. Cada unha das áreas (Familia, Xuventude, Formación e emprego, Muller, Actividades e Normativa Legal) estaban a cargo dun responsable. Incluíu, ademais da información propia de cada área, estudios e informes sobre adopción, maltrato, escola, formación ocupacional, etc, datos sobre bolsas, xornadas e encontros, e recensións e bibliografía sobre novas publicacións.