Follas Roxas

Boletín de tendencia marxista en galego editado en 1978. Subtitulouse “Voceiro da LCR-ETA (VI)” e ía asinado polo Comité de Galicia da LCR-ETA VI (IV Internacional). Trátase dunha publicación de modesta factura que posiblemente se editou na clandestinidade. Os seus contidos resúmense nun só artigo, de ampla extensión, que contén críticas de carácter político á ditadura, á monarquía e á burguesía e a todos os partidos de ámbito estatal.