Mobula

Xénero de peixes condritios da familia dos mobúlidos. A especie máis destacada é M. mobular, que presenta unha boca, de 150 a 160 series de dentes nos dous maxilares, unha aleta dorsal que remata ao mesmo nivel ca as ventrais e un aguillón de marxes denticulados detrás da aleta dorsal. É de cor castaña escura ou negra azulada na face superior e abrancazada na face inferior. É semipeláxico ou peláxico. De comportamento gregario, sofre longas migracións. Aliméntase de pequenos peixes peláxicos e de crustáceos.