Yunnan

Sheng de China, na rexión Suroeste (394.000 km2; 42.880.000 h [2000]). A capital é Kunming. É unha rexión moi montañosa, sobre todo no O. Os altos altiplanos calcarios estiveron profundamente escavados polos vales do Iang-Tsé, o Mekong e o Salwen. O clima é temperado, con forte influencia monzónica. Cultívase té, arroz (dobre colleita anual) e cana de azucre. Ten os depósitos de estaño máis grandes do país, ademais de ferro, cobre, chumbo e cinc e reservas de carbón e sal.