xenoma

Contido total de ADN propio do conxunto de cromosomas dunha especie. No caso dos humanos comprende vinte e tres parellas de cromosomas. A secuenciación completa do xenoma humano, acadada en 2003 polo proxecto Xenoma Humano, fará posible a comprensión do seu funcionamento, ademais de abrir novos horizontes para o diagnóstico precoz e o tratamento de moitas enfermidades, especialmente das máis de 4.000 alteracións xenéticas hereditarias coñecidas.