xestión

Acción e efecto de administrar, organizar ou dirixir algo.

Actividade que consiste no manexo e control dos inventarios de materias primas, produtos semielaborados e terminados co fin de diminuír o seu volume o máximo posible, sen poñer en perigo o seu proceso produtivo e comercial.

Actividade pola que as empresas e bancos reducen os seus niveis de liquidez, sen comprometer a capacidade de pago, para empregar o diñeiro resultante noutras actividades máis rendibles.

Actividade pola que as entidades xestoras de patrimonio administran as carteiras e valores mobiliarios dos seus clientes, asesorándoos en temas financeiros e na colocación de emisións tanto públicas coma privadas.

Actividade que consiste no estudo e control dos riscos que poidan xurdirlle a unha empresa ou institución nas súas actividades financeiras, tentando que exista un grao de cobertura adecuada de todos os activos da sociedade.

Actividade que consiste en analizar as diferentes alternativas que se presentan na declaración de impostos co fin de minimizar a cota tributaria a pagar.

Actividade desenvolvida pola dirección dunha empresa que consiste en fixar uns orzamentos para cada actividade e comparalos cos resultados reais obtidos, observando as desviacións producidas e analizando as causas para proceder á súa posterior corrección.