xitano -na

Relativo ou pertencente ao pobo xitano ou á súa lingua.

Individuo do pobo xitano.

Tribo do NO de India que no s XV se estableceu en Europa central e occidental. Penetraron na Península Ibérica cara a 1415 e a partir de finais do s XX organizáronse internacionalmente na Unión Romaní Internacional.

Lingua indoaria do phylum indoeuropeo que fala o pobo xitano. Chamada en xitano Romanīčib, na Península Ibérica recibe o nome de caló. O vocabulario sufriu moitas transformacións e a miúdo preséntase como unha lingua secreta, da que o vocabulario é xitano e a gramática é a da lingua do país.