¹ baile

1. s m

   Facer pasos ou saltos acompasados co ritmo da música.

   Ex: Estou indo a clases de baile.

   Confrontacións: danza.
2. s m

   Modalidades da acción de bailar adaptadas a un xénero musical.

   Ex: Gústame a polca, pero non todos os bailes.

3. s m

   Festa na que se reúnen varias persoas e se baila.

   Ex: Pola festa grande haberá moitos bailes.

4. s m

   Lugar onde se reúne xente co fin de bailar.

   Ex: Todos os domingos hai baile na casa da cultura.

5. s m

   Espectáculo no que bailan danzaríns profesionais.

   Ex: A bailarina escordou un nocello durante o baile, pero seguiu danzando.

6. s m

   Situación de oposición entre dous individuos ou grupos.

   Ex: Xa tiveches outra pelexa, sempre andas en bailes.

7. s m

   Alteración da orde de algo a causa dun erro.

   Ex: A túa declaración de facenda estaba errada por un baile nas cifras. Vía con tanta dificultade que lle bailaban as letras.

8. s m [LIT]

   Peza escénica breve que combina o texto coa música e a mímica, representada durante os entreactos no teatro castelán dos ss XVI-XVIII.

Frases feitas

• Ter o baile de san Vito. Non parar quieto.

Refráns

• A danza sae da panza.
• Bailar ben e bailar mal, todo é bailar.
• Bailar sen son non é diversión.
• Bailaremos neste san Xoán, que para o que vén Deus sabe quen bailará.
• Na casa do tamborileiro todos saben ser danzantes.
• O que baila sen tanxer, ou é tolo ou quéreo ser.
• O que ten gana de bailar con pouco son bailará.
• Polo pan baila o can, para ver se llo dan.
• Quen ben baila, de voda en voda anda.
• Quen foi bailador de mozo, de vello inda lle dá un xeito / inda vai á rúa.
• Repenica de présa, meu tamborileiro, que bailar ben de présa, iso éche o que eu quero.
• Tanto bailei coa sobriña do cura, tanto bailei, que me deu quentura.
• Ti bailaches e eu bailei: ti como sabes e eu como sei.
• Xanporentrelas é tan peneireiro, que baila na punta dun agulleiro / dun pandeiro.