Koltès, Bernard-Marie

(Metz 1948 - París 1989) Director de escena e dramaturgo francés. Formouse na Escola de Teatro de Estrasburgo, e tivo moita relación con importantes actores e directores, como María Casares, Michel Picoli, Patrice Chéreau ou Peter Stein. A súa obra supuxo unha reivindicación do texto nun momento en que as experiencias escénicas máis vangardistas apostaban pola súa supresión. Entre os seus textos destacan Salinger (1977), La Nuit juste avant les forets (1977), Combat de Negrès et de chiens (1979), Quai Ouest (1986), Dans la solitude des champs de coton (1987), Le retour au désert (1988) ou Roberto Zuco (1990). A súa presenza en Galicia chegou a través das traducións de Henrique Harguindey e da posta en escena de Na soidade dos campos de algodón, de Factoría Teatro, con dirección de Cristina Domínguez.