kyogen*

Xénero teatral xaponés, de tipo popular, que se desenvolveu a partir do s XVI e que conta cun repertorio de preto de trescentas pezas breves de carácter cómico que se representan, como os entremeses, nos intervalos dos espectáculos Nō, aos que serven de contraste. Entre os seus trazos singulares destaca o feito de que os actores utilizan a súa propia voz nuns diálogos cheos de referencias populares, aínda que tamén se introducen escenas cantadas, bailes e carautas. Os temas do teatro kyogen, moi similar á commedia dell’ arte italiana, están tirados da vida cotiá e das lendas populares de Xapón.