enriba

1. adv

   Nunha situación superior desde o punto de vista do falante, tanto no interior coma no exterior do obxecto de referencia.

   Ex: Enriba, no faiado, gardo a roupa de verán. 

   Sinónimos: arriba, arriba. Antónimos: abaixo, embaixo.
2. adv

   Nun lugar superior en relación ao exterior do obxecto de referencia , en contacto ou non con el.

   Ex: Para limpar o roupeiro quitamos as caixas que estaban enriba. OBS: Tamén se utiliza a locución enriba de co mesmo significado. Ex: Deixou os libros enriba do escritorio. 

   Antónimos: debaixo.
3. adv

   Sobre outra cousa, como un elemento máis a engadir.

   Ex: Non veu con nós e enriba fíxonos esperar por el. OBS: Tamén se utiliza a locución enriba de co mesmo significado. Ex: Non fai nada e enriba diso non deixa traballar ós outros. 

Frases feitas

• Andar/ Estar enriba de. Vixiar con atención e coidado a alguén ou algunha cousa. Ex: Se non estás enriba do neno non fai as tarefas.

• Botarse enriba de. Sobrevir ou ocorrer algunha cousa de maneira súbita, antes do que se esperaba.

• Por enriba de todo. Sobre calquera outra cousa. SIN: por riba de todo. Ex: Por enriba de todo, nós acudiremos á túa voda.

• Por enriba. Con verbos como facer, mirar ou tratar significa realizar a acción do verbo superficialmente, sen deterse nin afondar no asunto. SIN: por riba. Ex: O mestre mirou os exercicios por enriba. Non podemos tratar iso por enriba, temos que chegar a unha solución.