JEALSA

Empresa fundada por Jesús Alonso Fernández en 1958, na actualidade, Jealsa Rianxeira está integrada por máis de 20 sociedades que operan agrupadas en tres divisións: Conservas de peixe e marisco, Pesca e auxiliares e Medioambiente e enerxía. O grupo creado por Jesús Alonso, figura en quinto lugar no ranking industrial galego, dá emprego a máis de 3.000 traballadores, a meirande parte mulleres; factura preto de 400 millóns de euros anuais e conta con factorías en Europa, América e África. Cumprida a idade de xubilación, Jesús Alonso decidiu servir ao seu concello, do que foi alcalde desde 1995 ata 2003.