acimut

(< ár as-simūt poras-sumūt, pl de as-samt ‘a dirección, o cénit’)

[ASTRON]
1. s m
  Arco do horizonte contado desde o punto cardinal N ou S ata a vertical do astro.
2. acimut astronómico
  Arco do horizonte que vai desde o punto cardinal N, para o observador situado no hemisferio sur, ata a vertical do astro. Compútase de 0° a 180°. Recibe o nome de oriental, se o astro está situado no L do meridiano do observador, e occidental, se está situado no O deste meridiano.
3. acimut náutico
  Arco do horizonte, computado desde o N e cara ao L ata a vertical do astro. Compútase de 0° a 360°.
4. acimut náutico por cuadrantes
  Arco do horizonte computado desde o punto cardinal N ou S ata a vertical do astro. Compútase de 0° a 90°. O punto de orixe e a dirección indícanse coas letras representativas de cada un dos puntos cardinais.
s m [FÍS]
No rexistro de sinais eléctricos sobre cinta magnética, ángulo que forma o entreferro da cabeza de rexistro ou de reprodución coa perpendicular á dirección de avance da cinta magnética.
s m [TECNOL/COMUN]
Fixados unha antena determinada e un punto calquera, ángulo formado entre a dirección desde este punto ata a antena e a dirección do meridiano.
s m [XEOG]
Ángulo comprendido nun plano horizontal, formado por un plano visual que pasa por un punto e unha dirección fixa; esta dirección é a determinada polo radio do círculo graduado do goniómetro, que pasa pola orixe deste círculo.

Formas incorrectas

azimut