activación

Proceso de conferir a unha substancia, por tratamentos físicos ou químicos, un estado activo.

Excitación dunha molécula que incrementa a súa enerxía ata o nivel no que se volva quimicamente reactiva ou emita radiación eletromagnética. O xeito máis frecuente de producir esta excitación é a activación térmica. A activación pode tamén producirse por absorción de fotóns de luz visible ou ultravioleta, por efecto das radiacións emitidas polas substancias radioactivas ou por efecto dun campo eléctrico.

Método de análise baseado na medida da radioactividade inducida nun elemento químico como consecuencia de ter tomado parte nunha reacción nuclear. A mostra a analizar sométese a un bombardeo con neutróns nun reactor nuclear ou nalgún outro tipo de dispositivo produtor destas partículas; os neutróns térmicos (de enerxía 0,025 eV) son os máis empregados. A análise por activación pode ser realizada tamén con deuteróns, con protóns ou con outras partículas.

Tratamento dunha substancia pola calor ou por reaccións químicas para comunicarlle calidades de absorbencia ou para mellorar as que xa tiña. A alúmina, as arxilas e os carbóns empregados como absorbentes son sometidos, en xeral, a tratamentos de activación.