aerotrén

Aeroescorregador lixeiro, sen rodas e que circula por vía especial sobre placas de aire, propulsado por motor de reacción ou motor eléctrico lineal. O primeiro foi construído por Bertin et Compa en Francia. O aerotrén ten unha vía de cemento en forma de T invertido e uns compresores que impulsan o aire a presión, de tal maneira que se forman unha especie de placas horizontais, destinadas á suspensión dos vehículos, e unhas placas laterais a ambos lados da porción vertical do raíl que serven para guiar o aerotrén. Experimentáronse diversos prototipos, que alcanzaron velocidades superiores aos 400 km/h.