agrimensura

Parte da topografía que trata da determinación das superficies agrarias e das particións dos terreos. A actual técnica da agrimensura consiste en dividir o terreo en parcelas de área facilmente medible, cousa que se fai mediante triangulacións ou poligonacións. A medida das áreas faise por trigonometría e por planimetría. Actualmente, a aplicación da aerofotografía e dos sistemas de captura de datos vía satélite (GPS e SIX) representan unha gran vantaxe.