ailalala

Canto entoado a media voz polos arrieiros e carreteiros cando conducen as bestas polas congostras e corredoiras. Caracterízase por ser un son lingual cantado en voz baixa, monótono, pousado, sen acompañamento instrumental e sen letra, alongado nas dúas derradeiras sílabas. Nel, o intérprete goza de grandes liberdades para o desenvolvemento melismático da melodía. No medio do ailalala, ailelelo, introdúcense un ou varios motivos de ámbito breve, pero moi ornamentados, que axeitaban, especialmente nas cadencias, ao paso de recuas e bois.