alcanforeira

Árbore de ata 40 m de altura, de follas persistentes, ovadas, longamente pecioladas e con flores amarelas. Aínda que é orixinaria de China, Xapón e Taiwán, cultívase en terreos ricos e húmidos de África, da costa mediterránea, de Florida, etc. Todas as partes do vexetal teñen abundantes células secretoras, que producen, entre outras substancias, o alcanfor. É unha árbore moi empregada en xardinería.