alegrar

1. v t

   Causar alegría a alguén.

   Ex: Alegrei o ánimo da xente cando me puxen a facer pallasadas.

   Sinónimos: aledar, contentar, divertir. Antónimos: aflixir, desgustar, entristecer.
2. v t

   Animar, dar vida.

   Ex: Alegraron a casa coa súa chegada dende Talavera.

3. v pron

   Poñerse ou sentir alegría.

   Ex: Alegrámonos moito de verte novamente aquí.

4. v pron

   Pórse bébedo.

   Ex: Na voda á que asistín en xullo alegreime de máis.

Frases feitas

• Alegrar unha festa. Animar.

• Alegrar a vista. Causar boa impresión aos ollos de alguén.