andhra

Relativo ou pertencente aos andhras ou á súa lingua.

Individuo pertencente á tribo dos andhra.

Individuo dun pobo preario, de lingua telugu, establecido na rexión situada entre os ríos Kistna e Godavari dende o 400 a C aproximadamente. Foron vasalos de Maurya e no s I a C fundaron unha dinastía independente, a dos Satavahna, que perdurou ata o s III. O país dos andhras deulle o seu nome ao estado de Andhra Pradesh.

Lingua da familia dravídica oficial no Estado de Andhra Padresh. A designación filolóxica máis correcta desta lingua é telugu.