Antesterias

Na antiga Atenas, festa das flores e das almas celebrada ao comezo da primavera durante tres días. Durante os dous primeiros días celebrábase a festa en honra da vexetación e da alegría (neste momento probábase o viño novo); terceiro día, o dos khytroi, era de dó (neste momento cocíase o gran). De orixe moi antiga -é anterior á emigración xonia a Asia- e descoñecida, durante a época arcaica grega foi asimilada aos ritos dionisíacos. Os contratos de arrendamento e o pagamento dos salarios agrícolas contábanse a partir das antesterias.