antracnose

Enfermidade de natureza fúnxica que ataca as vides e diversas especies de plantas hortícolas. Maniféstase pola aparición de manchas negroides, que se converten en úlceras. A antracnose da vide producida pola Manginia ampelina é especialmente importante. Os tratamentos máis eficaces son os preventivos de inverno, con sulfato ferroso e ácido sulfúrico. Son tratamentos curativos as pulverizacións con mestura de xofre e cal viva.