Argólida

Nomós do Peloponeso, Grecia (2.154 Km2, 93.020 h [1981]). Correspóndese aproximadamente coa antiga rexión histórica homónima situada na parte oriental do Peloponeso. Habitada en principio polos pelasgos, foi ocupada polos aqueos a mediados do segundo milenio a C, período durante o que Micenas e Corinto foron as súas cidades máis importantes. Coa conquista dos dorios no s XII, a Argólida foi dividida en pequenas entidades independentes, entre as que destacaba Argos. A Argólida formou parte da Liga Aquea. Foi sometida polos romanos no 146 a C.