armol

Herba ou arbusto, anual ou perenne, que pertence ao xénero Atriplex, da familia das quenopodiáceas. Caracterízase por presentar flores hermafroditas ou unisexuais no mesmo pé, follas planas alternas ou opostas, e froitos con bractéolas libres ou soldadas só na parte inferior. En Galicia atópanse de forma máis común dúas especies de medios ruderais, tanto costeiras como do interior: A. patula, de talos erectos, e A. prostrata, de talos deitados e estriados.