aspa

(< xerm haspa ‘debandoira’)

s f
Armazón formada por dous paos atravesados en forma de X. Recibe tamén o nome de cruz de Santo Andrés.

Ex: As aspas da debandoira.
s f
1. Conxunto de dúas ou máis pas, de dúas ou máis barras, etc, que se entrecruzan nas súas zonas centrais.
  
  Ex: Collín dous paos e un parafuso para facerlle a aspa ó meu avión de xoguete.
2. Cada unha destas antenas, barras, etc.
  
  Ex: As aspas do avión comezaron a xirar moi de présa.
s f [ETN]
Mecanismo propio dos muíños de vento en forma de X, composto por lenzos ao xeito de velas, que permite o movemento da roda.

Ex: O temporal rompeu a aspa do muíño.
s f [HIST]
1. Cruz en forma de X que levaban os penitenciarios da Inquisición.
2. Insignia da casa de Borgoña que aparece na bandeira dos exércitos de España e nos brasóns dalgunhas familias.
s f [MAR]
1. Tiras felpudas en forma de aspa que cando vai mal tempo se colocan cruzadas desde a verga do trinquete ata os muros do castelo para fixar a vela.
2. Nas velas cadradas, reforzo de lona situada en cada unha das empuñaduras e en dirección ao centro da vela.
s f [TÉXT]
Instrumento de formas variadas que serve para debandar e facer madeixas.
s f [XEOL]
Punto de intersección de dúas vetas de mineral.

Palabras veciñas