autócoro -ra

Aplícase aos organismos vexetais que posúen medios propios de diseminación dos seus xermolos reprodutivos; este proceso (autocoria) pode ter lugar, estritamente, sen intervención de axentes exteriores. Os mecanismos propios destas plantas poden consistir na curvatura do soporte das diásporas ata depositalas no substrato (xeoautócoras), na dehiscencia súpeta da estrutura portadora das diásporas (boleoautócoras), ou nos movementos propios higroscópicos das diásporas ao variar a humidade (herpautócoras).