autódromo

Circuíto de carreiras para automóbiles, en forma oval e cunha lonxitude que oscila entre os 2,5 e os 4,5 km, no que os vehículos poden acadar velocidades de máis de 300 km/h. A pista está pechada e é continua, feita cun aglomerado asfáltico de elevado coeficiente de adherencia, ten curvas peraltadas e cando menos dous longos tramos rectos. Os autódromos tradicionais volvéronse perigosos e, agás o de Indianápolis (EE UU) onde se celebra a carreira das 500 millas, apenas se usan.