Axencia de Enerxía Nuclear da OCDE

Nome que recibiu en 1972 a Axencia Europea de Enerxía Nuclear, institución con sede en París, fundada en 1958 pola Organización Europea de Cooperación Económica (OECE) e dependente da Organización para a Cooperación e o Desenvolvemento Económico (OCDE, substituta da anterior) dende 1961. Ten por finalidade promover e coordinar proxectos conxuntos de desenvolvemento da enerxía nuclear para usos pacíficos. Pertencen a ela todos os estados membros da OCDE agás Nova Celandia.