axiomático -ca

Relativo ou pertencente a un axioma.

Evidente, aforístico.

Estudio das condicións que debe satisfacer o conxunto das proposicións ou axiomas que forman o punto de partida do desenvolvemento lóxico dunha ciencia. Cada unha das proposicións admitidas coma base do estudo axiomático dunha teoría chámase axioma ou postulado. Un sistema de postulados é un conxunto de proposicións breves, simples, independentes e compatibles entre elas, que traducen as verdades fundamentais da teoría á cal serven de base. A primeira obra que segue o método axiomático é o tratado de xeometría de Euclides Elementos (s III a C). O estudio do método axiomático, realizado polos matemáticos alemáns do s XIX, conduciu á fundamentación rigorosa da matemática, e ao descubrimento da xeometría non euclidiana e da álxebra moderna. OBS: A grafía x representa o son [ks].