barbotina

Técnica decorativa que se utiliza en cerámica consistente nuns trazos en relevo que se obteñen aplicando pequenas porcións do mesmo barro, aínda que máis diluído, formando mamadeiras, molduras e mesmo motivos figurativos, sobre todo vexetais. Este tipo de decoración dispoñíase sobre as paredes ou bordos da peza cerámica. Coñecida dende época prehistórica, é moi característica dun tipo de cerámica romana dos ss I e II d C.